ਉਸ ਦੇ ਮਜ਼ਾਕੀਆ ਅੰਦਾਜ਼ ਨੇ ਸੈੱਟ ਨੂੰ ਸਹਿਜ ਬਣਾ ਦਿੱਤਾ। ਉਸ ਨੇ ਕਿਹਾ, ‘‘ਮੈਂ (ਸੈੱਟ ’ਤੇ) ਸੁਣਦੀ ਤੇ ਦੇਖਦੀ ਰਹਿੰਦੀ ਸੀ ਕਿ ਉਹ ਪੰਜਾਬੀ ਵਿੱਚ ਕੁੱਝ ਨਾ ਕੁੱਝ ਬੋਲ ਦਿੰਦੇ ਸਨ ਅਤੇ ਮੈਂ ਇਸ ਨੂੰ ਕਾਫ਼ੀ ਹੱਦ ਤੱਕ ਸਮਝਦੀ ਸੀ ਪਰ ਹਾਂ, ਉਹ ਸੈੱਟ ’ਤੇ ਬਹੁਤ ਮਜ਼ਾਕੀਆ ਵਿਅਕਤੀ ਸਨ ਅਤੇ ਬਹੁਤ ਚੰਗੇ ਇਨਸਾਨ ਵੀ।’’ ਪੇਂਟੀ ਨੇ ਦਿਲਜੀਤ ਦੇ ਨਿਮਰ ਅਤੇ ਸਤਿਕਾਰਤ ਸੁਭਾਅ ਨੂੰ ਯਾਦ ਕਰਦਿਆਂ ਉਸ ਨੂੰ ਅਜਿਹੀ ਸ਼ਖਸੀਅਤ ਵਜੋਂ ਪੇਸ਼ ਕੀਤਾ, ਜੋ ਕਦੇ ਆਪਣੀ ਗੱਲ ਦੂਸਰਿਆਂ ’ਤੇ ਥੋਪਦਾ ਨਹੀਂ, ਸਗੋਂ ਸੈੱਟ ’ਤੇ ਸਹਿਜ ਅਤੇ ਨਿੱਘ ਵਾਲਾ ਮਾਹੌਲ ਬਣਾ ਕੇ ਰੱਖਦਾ ਹੈ। ਉਸ ਨੇ ਕਿਹਾ ਕਿ ਦਿਲਜੀਤ ਬਹੁਤ ਹੀ ਨਿਮਰ ਅਤੇ ਆਪਣੇ ਆਲੇ-ਦੁਆਲੇ ਲੋਕਾਂ ਦਾ ਸਤਿਕਾਰ ਕਰਨ ਵਾਲਾ ਵਿਅਕਤੀ ਹੈ।