ਮੁੰਬਈ- ਰਿਤਿਕ ਰੋਸ਼ਨ ਦੀ ਸਾਬਕਾ ਪਤਨੀ ਸੁਜ਼ੈਨ ਖਾਨ ਅਕਸਰ ਕਿਸੇ ਨਾ ਕਿਸੇ ਕਾਰਨ ਸੁਰਖੀਆਂ 'ਚ ਰਹਿੰਦੀ ਹੈ। ਹਾਲ ਹੀ 'ਚ ਸੁਜ਼ੈਨ ਨੂੰ ਦੀਵਾਲੀ ਪਾਰਟੀ 'ਚ ਦੇਖਿਆ ਗਿਆ ਸੀ। ਇਸ ਦੌਰਾਨ ਸੁਜ਼ੈਨ ਵਾਲ-ਵਾਲ ਬਚ ਗਈ। ਇਸ ਦੇ ਨਾਲ ਹੀ ਸੁਜ਼ੈਨ ਨਾਲ ਹੋਏ ਹਾਦਸੇ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਯੂਜ਼ਰਸ ਇਸ ਵੀਡੀਓ 'ਤੇ ਕਾਫੀ ਕੁਮੈਂਟ ਵੀ ਕਰ ਰਹੇ ਹਨ।ਦੀਵਾਲੀ ਪਾਰਟੀ 'ਚ ਸੁਜ਼ੈਨ ਨਾਲ ਹਾਦਸਾ
ਦਰਅਸਲ, ਜਦੋਂ ਸੁਜ਼ੈਨ ਖਾਨ ਦੀਵਾਲੀ ਪਾਰਟੀ 'ਚ ਗਈ ਸੀ ਤਾਂ ਉਹ ਪੌੜੀਆਂ ਚੜ੍ਹ ਰਹੀ ਸੀ ਪਰ ਅਚਾਨਕ ਉਸ ਦਾ ਪੈਰ ਫਿਸਲ ਗਿਆ ਅਤੇ ਉਹ ਡਿੱਗਣ ਤੋਂ ਬਚ ਗਈ। ਹਾਲਾਂਕਿ ਇਸ ਦੌਰਾਨ ਦੋ ਲੋਕਾਂ ਨੇ ਉਸ ਨੂੰ ਸੰਭਾਲ ਲਿਆ। ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਅਜਿਹਾ ਲੱਗ ਰਿਹਾ ਹੈ ਕਿ ਸੁਜ਼ੈਨ ਦੇ ਪੈਰ 'ਤੇ ਭਾਰੀ ਏੜੀ ਕਾਰਨ ਸੱਟ ਲੱਗ ਗਈ ਹੈ। ਹਾਲਾਂਕਿ ਇਹ ਪੁਸ਼ਟੀ ਨਹੀਂ ਕੀਤੀ ਜਾ ਸਕਦੀ ਹੈ ਕਿ ਕੀ ਸੁਜ਼ੈਨ ਅਸਲ ਵਿੱਚ ਜ਼ਖਮੀ ਹੈ ਜਾਂ ਨਹੀਂ, ਪ੍ਰਸ਼ੰਸਕ ਉਸ ਦੇ ਠੀਕ ਹੋਣ ਲਈ ਪ੍ਰਾਰਥਨਾ ਕਰ ਰਹੇ ਹਨ।