ਰਾਜਪੁਰਾ (lav ghuman)- ਬੀਤੇ ਦਿਨ ਜਾਰਜੀਆ ਦੇ ਗੁੰਡੋਰੀ ਇਲਾਕੇ ’ਚ ਇਕ ਭਾਰਤੀ ਰੈਸਟੋਰੈਂਟ ’ਚੋਂ 12 ਲਾਸ਼ਾਂ ਮਿਲਣ ਦੀ ਖ਼ਬਰ ਨਾਲ ਦਹਿਸ਼ਤ ਫੈਲ ਗਈ ਸੀ। ਮਾਮਲੇ ਦੀ ਜਾਂਚ ਕਰ ਰਹੇ ਅਧਿਕਾਰੀਆਂ ਨੇ ਦੱਸਿਆ ਕਿ ਲਾਸ਼ਾਂ ’ਤੇ ਹਿੰਸਾ ਦੇ ਕੋਈ ਨਿਸ਼ਾਨ ਨਹੀਂ ਮਿਲੇ ਹਨ। ਜਾਰਜੀਆ ਸਰਕਾਰ ਅਨੁਸਾਰ ਪੀੜਤ ਰੈਸਟੋਰੈਂਟ ਦੇ ਕਰਮਚਾਰੀ ਸਨ ਅਤੇ ਮਰਨ ਵਾਲਿਆਂ ’ਚ 11 ਵਿਦੇਸ਼ੀ, ਜਦਕਿ ਇਕ ਜਾਰਜੀਆ ਦਾ ਨਾਗਰਿਕ ਹੈ। ਸੂਤਰਾਂ ਮੁਤਾਬਕ ਮ੍ਰਿਤਕਾਂ ’ਚ ਔਰਤਾਂ ਵੀ ਸ਼ਾਮਲ ਹਨ। ਇਨ੍ਹਾਂ ਔਰਤਾਂ 'ਚੋਂ ਇਕ ਦੀ ਪਛਾਣ ਅਮਰਿੰਦਰ ਕੌਰ (32) ਪੁੱਤਰੀ ਸਾਹਿਬ ਸਿੰਘ ਪਿੰਡ ਮਹਿਮਾ ਰਾਜਪੁਰਾ ਅਤੇ ਦੂਸਰੀ ਮ੍ਰਿਤਕਾ ਦੀ ਭਰਜਾਈ ਮਨਿੰਦਰ ਕੌਰ (32) ਪਤਨੀ ਜਤਿੰਦਰ ਸਿੰਘ ਪੁੱਤਰ ਸਾਹਿਬ ਸਿੰਘ ਚੰਡੀ ਕਲਾਂ, ਸਮਾਣਾ ਦੇ ਤੌਰ ’ਤੇ ਹੋਈ, ਜੋ ਰੈਸਟੋਰੈਂਟ ’ਚ ਕੰਮ ਕਰਦੀਆਂ ਸਨ। ਰਿਪੋਰਟ ਮੁਤਾਬਕ ਪੁਲਸ ਮਾਮਲੇ ਦੀ ਪੂਰੀ ਜਾਂਚ ਕਰ ਰਹੀ ਹੈ। ਪੀੜਤ ਪਰਿਵਾਰਾਂ ਨੇ ਲਾਸ਼ਾਂ ਨੂੰ ਭਾਰਤ ਲਿਆਉਣ ਦੀ ਅਪੀਲ ਕੀਤੀ ਹੈ।