ਜਦਕਿ ਕਾਂਗਰਸ ਸਰਕਾਰ ਦੀ ਕੈਪਟਨ ਕੈਬਨਿਟ ਵੇਲੇ ਇਹ ਕੈਂਪਸ ਭਾਦਸੋਂ ਰੋਡ ’ਤੇ ਬਣਾਉਣ ਲਈ 98 ਏਕੜ ਜ਼ਮੀਨ ਐਕੁਆਇਰ ਕੀਤੀ ਗਈ ਸੀ, ਜਿਸ ਲਈ 550 ਕਰੋੜ ਦਾ ਬਜਟ ਵੀ ਨਿਰਧਾਰਿਤ ਕੀਤਾ ਗਿਆ ਸੀ। ਇਸ ਵੇਲੇ ਕੈਂਪਸ ਦੀਆਂ ਸੜਕਾਂ ਬਣ ਰਹੀਆਂ ਹਨ, ਇਸ ਦਾ ਅਕਾਦਮਿਕ ਬਲਾਕ, ਜਨਰਲ ਬਲਾਕ, ਵੀਸੀ ਬਲਾਕ ਬਣ ਚੁੱਕਿਆ ਹੈ। ਦੂਜੇ ਪਾਸੇ ਖੇਡਾਂ ਲਈ ਕਈ ਸਾਰੇ ਗਰਾਊਂਡ ਵੀ ਬਣਾਏ ਜਾ ਚੁੱਕੇ ਹਨ। ਪਰ ਅਜੇ ਵੀ ਕੈਂਪਸ ਵਿੱਚ ਖੇਡਾਂ ਦੇ ਮੈਦਾਨ ਬਣਨੇ ਬਾਕੀ ਹਨ। ਕੈਂਪਸ ਵਿੱਚ ਜਨਰਲ ਬਲਾਕ ਦੀ ਇਮਾਰਤ ਬਣ ਕੇ ਤਿਆਰ ਬਣ ਗਈ ਹੈ ਜਿਸ ਕਰਕੇ ਅਥਾਰਿਟੀ ਨੇ ਫ਼ੈਸਲਾ ਕੀਤਾ ਹੈ ਕਿ ਅਗਲਾ ਅਕਾਦਮਿਕ ਸੈਸ਼ਨ ਯੂਨੀਵਰਸਿਟੀ ਦੇ ਨਵੇਂ ਕੈਂਪਸ ਵਿੱਚ ਹੀ ਸ਼ੁਰੂ ਕੀਤਾ ਜਾਵੇ।