ਨਵੀਂ ਦਿੱਲੀ- ਕਾਂਗਰਸ ਨੇ ਆਮ ਆਦਮੀ ਪਾਰਟੀ (ਆਪ) ਦੇ ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਦੇ ਇਕ ਪੁਰਾਣੇ ਬਿਆਨ ਨੂੰ ਲੈ ਕੇ ਮੰਗਲਵਾਰ ਨੂੰ ਉਨ੍ਹਾਂ 'ਤੇ ਨਿਸ਼ਾਨਾ ਵਿੰਨ੍ਹਿਆ ਅਤੇ ਕਿਹਾ ਕਿ ਹੁਣ ਸਮਝ ਆ ਗਿਆ ਹੈ ਕਿ ਉਹ ਅਨੁਸੂਚਿਤ ਜਾਤੀ, ਅਨੁਸੂਚਿਤ ਜਨਜਾਤੀ ਅਤੇ ਹੋਰ ਪਿਛੜੇ ਵਰਗਾਂ ਦੇ ਰਾਖਵਾਂਕਰਨ ਦੀ 50 ਫੀਸਦੀ ਹੱਦ ਹਟਾਉਣ ਅਤੇ ਜਾਤੀਗਤ ਜਨਗਣਨਾ 'ਤੇ ਕਿਉਂ ਚੁੱਪ ਰਹਿੰਦੇ ਹਨ।  ਪਾਰਟੀ ਜਨਰਲ ਸਕੱਤਰ ਜੈਰਾਮ ਰਮੇਸ਼ ਨੇ ਕੇਜਰੀਵਾਲ ਦਾ ਇਕ ਪੁਰਾਣਾ ਵੀਡੀਓ 'ਐਕਸ' 'ਤੇ ਸਾਂਝਾ ਕੀਤਾ। ਇਸ 'ਚ ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਇਹ ਕਹਿੰਦੇ ਸੁਣੇ ਜਾ ਸਕਦੇ ਹਨ ਕਿ ਜਿਸ ਨੂੰ ਇਕ ਵਾਰ ਰਾਖਵਾਂਕਰਨ ਮਿਲ ਗਿਆ, ਉਸ ਨੂੰ ਮੁੜ ਨਹੀਂ ਮਿਲਣਾ ਚਾਹੀਦਾ ਅਤੇ ਵਾਂਝੇ ਵਰਗਾਂ ਦੇ ਅਮੀਰ ਲੋਕਾਂ ਨੂੰ ਵੀ ਰਾਖਵਾਂਕਰਨ ਨਹੀਂ ਮਿਲਣਾ ਚਾਹੀਦਾ। ਰਮੇਸ਼ ਨੇ ਕਿਹਾ,''ਕੇਜਰੀਵਾਲ ਜੀ ਨੂੰ ਰਾਖਵਾਂਕਰਨ 'ਤੇ ਜ਼ਰੂਰ ਸੁਣਿਆ ਜਾਵੇ। ਹੁਣ ਸਮਝ ਆਇਆ ਉਹ ਸਰਕਾਰੀ ਰੁਜ਼ਗਾਰ ਅਤੇ ਸਰਕਾਰੀ ਸਿੱਖਿਆ ਸੰਸਥਾਵਾਂ 'ਚ ਅਨੁਸੂਚਿਤ ਜਾਤੀ, ਅਨੁਸੂਚਿਤ ਜਨਜਾਤੀ ਅਤੇ ਹੋਰ ਪਿਛੜਾ ਵਰਗਾਂ ਦੇ ਰਾਖਵਾਂ ਕਰਨ 'ਤੇ 50 ਫੀਸਦੀ ਹੱਦ ਹਟਾਉਣ ਅਤੇ ਜਾਤੀਗਤ ਜਨਗਣਨਾ 'ਤੇ ਕਿਉਂ ਚੁੱਪ ਰਹਿੰਦੇ ਹਨ।''