YSRCP ਵਿਧਾਇਕ ਨੇ ਵੋਟਿੰਗ ਲਈ ਲਾਈਨ 'ਚ ਖੜ੍ਹੇ ਵੋਟਰ ਨੂੰ ਮਾਰੀ ਚਪੇੜ, ਵੋਟਰ ਨੇ ਵੀ ਦਿੱਤਾ ਉਲਟਾ ਜਵਾਬ
![](/public/uploads/files/Suman/SN%209.jpg)
ਤੇਨਾਲੀ, (ਆਂਧਰਾ ਪ੍ਰਦੇਸ਼)- ਆਂਧਰਾ ਪ੍ਰਦੇਸ਼ ਦੀ ਸੱਤਾਧਾਰੀ ਯੁਵਜਨ ਸਰਾਮਿਕਾ ਰਿਥੂ ਕਾਂਗਰਸ ਪਾਰਟੀ (ਵਾਈ.ਐੱਸ.ਆਰ.ਸੀ.ਪੀ.) ਦੇ ਇੱਕ ਵਿਧਾਇਕ ਨੇ ਸੋਮਵਾਰ ਨੂੰ ਇੱਥੇ ਇੱਕ ਪੋਲਿੰਗ ਬੂਥ 'ਤੇ ਵੋਟ ਪਾਉਣ ਲਈ ਲਾਈਨ ਵਿੱਚ ਖੜ੍ਹੇ ਇੱਕ ਵਿਅਕਤੀ ਨੂੰ ਕਥਿਤ ਤੌਰ 'ਤੇ ਚਪੇੜ ਮਾਰ ਦਿੱਤਾ। ਹਾਲਾਂਕਿ ਉਕਤ ਵਿਅਕਤੀ ਨੇ ਜਵਾਬ 'ਚ ਵਿਧਾਇਕ ਨੂੰ ਚਪੇੜ ਵੀ ਮਾਰ ਦਿੱਤੀ। ਵਿਧਾਇਕ ਨੇ ਲਾਈਨ ਤੋੜਨ 'ਤੇ ਸਵਾਲ ਕਰਨ ਵਾਲੇ ਵਿਅਕਤੀ ਨੂੰ ਚਪੇੜ ਮਾਰ ਦਿੱਤੀ। ਇਹ ਘਟਨਾ ਗੁੰਟੂਰ ਜ਼ਿਲ੍ਹੇ ਦੇ ਤੇਨਾਲੀ ਵਿੱਚ ਵਾਪਰੀ ਜਦੋਂ ਸਥਾਨਕ ਵਾਈ.ਐੱਸ.ਆਰ.ਸੀ.ਪੀ. ਵਿਧਾਇਕ ਏ. ਸ਼ਿਵ ਕੁਮਾਰ ਨੇ ਲਾਈਨ ਤੋੜ ਕੇ ਅੱਗੇ ਵਧਣ ਦੀ ਕੋਸ਼ਿਸ਼ ਕੀਤੀ ਤਾਂ ਇਕ ਵੋਟਰ ਨੇ ਉਸ ਨੂੰ ਇਸ ਬਾਰੇ ਸਵਾਲ ਕੀਤਾ। ਪੁਲਸ ਨੇ ਦੱਸਿਆ ਕਿ ਇਸ ਤੋਂ ਗੁੱਸੇ 'ਚ ਆ ਕੇ ਵਿਧਾਇਕ ਨੇ ਵਿਅਕਤੀ ਨੂੰ ਚਪੇੜ ਮਾਰ ਦਿੱਤੀ, ਹਾਲਾਂਕਿ ਉਕਤ ਵਿਅਕਤੀ ਨੇ ਜਵਾਬ 'ਚ ਵਿਧਾਇਕ ਨੂੰ ਵੀ ਚਪੇੜ ਮਾਰ ਦਿੱਤੀ।
https://twitter.com/i/status/1789895976770994311
ਵਿਧਾਇਕ ਦੇ ਚਪੇੜ ਮਾਰਨ ਤੋਂ ਗੁੱਸੇ 'ਚ ਆਏ ਉਨ੍ਹਾਂ ਦੇ ਸਮਰਥਕਾਂ ਨੇ ਉਕਤ ਵਿਅਕਤੀ 'ਤੇ ਆਪਣਾ ਗੁੱਸਾ ਕੱਢਿਆ। ਇੱਕ ਪੁਲਸ ਅਧਿਕਾਰੀ ਨੇ ਪੀ.ਟੀ.ਆਈ. ਨੂੰ ਇਸ ਘਟਨਾ ਬਾਰੇ ਦੱਸਿਆ ਜਿਸ ਦੇ ਨਤੀਜੇ ਵਜੋਂ ਝੜਪ ਹੋਈ। ਉਨ੍ਹਾਂ ਕਿਹਾ, "ਉਹ (ਵਾਈ.ਐੱਸ.ਆਰ.ਸੀ.ਪੀ. ਵਿਧਾਇਕ) ਵੋਟ ਪਾਉਣ ਜਾ ਰਿਹਾ ਸੀ ਅਤੇ ਉਹ ਲਾਈਨ ਤੋੜ ਕੇ ਅੱਗੇ ਵਧਿਆ ਪਰ ਕਿਸੇ (ਵੋਟਰ) ਨੇ ਇਸ 'ਤੇ ਇਤਰਾਜ਼ ਕੀਤਾ।"
ਪੁਲਸ ਨੇ ਦੱਸਿਆ ਕਿ ਵਿਧਾਇਕ ਅਤੇ ਵੋਟਰ ਵਿਚਾਲੇ ਬਹਿਸ ਹੋਈ ਅਤੇ ਫਿਰ ਵਿਧਾਇਕ ਨੇ ਉਸ ਨੂੰ ਚਪੇੜ ਮਾਰ ਦਿੱਤੀ। ਪੁਲਸ ਨੇ ਦੱਸਿਆ ਕਿ ਵੋਟਰ ਦੇ ਜਵਾਬੀ ਕਾਰਵਾਈ ਤੋਂ ਬਾਅਦ ਵਿਧਾਇਕ ਦੇ ਸਮਰਥਕਾਂ ਨੇ ਉਸ ਦੀ ਕੁੱਟਮਾਰ ਕੀਤੀ ਅਤੇ ਮੁੱਕਾ ਮਾਰਿਆ। ਹਾਲਾਂਕਿ, ਬਾਅਦ ਵਿੱਚ ਉਨ੍ਹਾਂ ਨੂੰ ਪੁਲਸ ਅਤੇ ਹੋਰ ਵੋਟਰਾਂ ਨੇ ਰੋਕ ਦਿੱਤਾ। ਤੇਲਗੂ ਦੇਸ਼ਮ ਪਾਰਟੀ (ਟੀ.ਡੀ.ਪੀ.) ਨੇ ਇਸ ਘਟਨਾ ਨੂੰ ਲੈ ਕੇ ਚੋਣ ਕਮਿਸ਼ਨ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ। ਪੁਲਸ ਇਸ ਮਾਮਲੇ ਵਿੱਚ ਐੱਫ.ਆਈ.ਆਰ. ਦਰਜ ਕਰਨ ਦੀ ਤਿਆਰੀ ਵਿੱਚ ਹੈ। ਸੂਬੇ ਦੀਆਂ 25 ਲੋਕ ਸਭਾ ਸੀਟਾਂ ਅਤੇ 175 ਵਿਧਾਨ ਸਭਾ ਸੀਟਾਂ ਲਈ ਸੋਮਵਾਰ ਨੂੰ ਇੱਕੋ ਸਮੇਂ ਚੋਣਾਂ ਹੋਈਆਂ।
ਈਡੀ ਵੱਲੋ ਆਰਜੀ ਕਰ ਹਸਪਤਾਲ ਦੇ ਸਾਬਕਾ ਪ੍ਰਿੰਸੀਪਲ ਅਤੇ ਸਾਥੀਆਂ ਦੇ ਘਰਾਂ ਉੱਤੇ ਛਾਪੇਮਾਰੀ
ਇੱਕ ਮਹੀਨਾ ਚੌਲ ਨਾ ਖਾਣ ਨਾਲ ਸਰੀਰ ਨੂੰ ਹੁੰਦੇ ਹਨ ਇਹ ਫ਼ਾਇਦੇ-ਨੁਕਸਾਨ, ਮਾਹਿਰ ਨੇ ਦੂਰ ਕੀਤੇ ਭੁਲੇਖੇ
ਮਣੀਪੁਰ 'ਚ ਬੰਬ ਹਮਲਾ, ਅੱਦਵਾਦੀਆਂ ਨੇ ਦਾਗੇ ਬੰਬ