ਪਟਿਆਲਾ: (ਲਵਪ੍ਰੀਤ ਘੁਮਾਣ ) : ਪੁਰਾਣੀ ਪੈਨਸ਼ਨ ਬਹਾਲੀ ਅਤੇ ਰੇਲਵੇ ਉਤਪਾਦਨ ਇਕਾਈਆਂ ਦੀ ਰੱਖਿਆ ਨੂੰ ਲੈ ਕੇ ਇੱਕ ਮਹੱਤਵਪੂਰਨ ਸੈਮੀਨਾਰ ਆਯੋਜਿਤ ਕੀਤਾ ਗਿਆ। ਇਹ ਸਮਾਗਮ ਇੰਡੀਅਨ ਰੇਲਵੇ ਐਂਪਲਾਈਜ਼ ਫੈਡਰੇਸ਼ਨ ਅਤੇ ਨੈਸ਼ਨਲ ਮੂਵਮੈਂਟ ਫ਼ਾਰ ਓਲਡ ਪੈਨਸ਼ਨ ਸਕੀਮ ਦੇ ਨਿਰਦੇਸ਼ ਤੇ ਡੀਐੱਮਡਬਲਿਊ ਐਂਪਲਾਈਜ਼ ਯੂਨੀਅਨ ਅਤੇ ਫਰੰਟ ਅਗੇਸਟ ਐੱਨਪੀਐੱਸ ਇਨ ਰੇਲਵੇ, ਪੀਐੱਲਡਬਲਿਊ ਪਟਿਆਲਾ ਵੱਲੋਂ ਕਰਵਾਇਆ ਗਿਆ।

ਇਸ ਸੈਮੀਨਾਰ ਵਿੱਚ ਵਰਗ ਚੇਤਨਾ ਮੰਚ ਦੇ ਕੋਆਰਡੀਨੇਟਰ ਯਸ਼ਪਾਲ, ਫ਼ਰੰਟ ਅਗੇਸਟ ਐੱਨਪੀਐੱਸ ਇਨ ਰੇਲਵੇ ਦੇ ਰਾਸ਼ਟਰੀ ਪ੍ਰਧਾਨ ਅਮਰੀਕ ਸਿੰਘ, ਇੰਡੀਅਨ ਰੇਲਵੇ ਐਂਪਲਾਈਜ਼ ਫੈਡਰੇਸ਼ਨ ਦੇ ਸੰਗਠਨ ਸਕੱਤਰ ਜੁਮੇਰਦੀਨ, ਸੀਪੀਐੱਫ ਕਰਮਚਾਰੀ ਯੂਨੀਅਨ ਦੇ ਜ਼ਿਲ੍ਹਾ ਪ੍ਰਧਾਨ ਗੁਰਮੇਲ ਸਿੰਘ ਅਤੇ ਜ਼ੋਨਲ ਪ੍ਰਧਾਨ ਤਰਸੇਮ ਕੁਮਾਰ ਨੇ ਭਾਗ ਲਿਆਂਦਾ।

ਵਕਤਾਵਾਂ ਨੇ ਐੱਨਪੀਐੱਸ ਦੀਆਂ ਖਾਮੀਆਂ ਅਤੇ ਪੁਰਾਣੀ ਪੈਨਸ਼ਨ ਸਕੀਮ ਦੀ ਲੋੜ ਉਤੇ ਚਰਚਾ ਕੀਤੀ। ਉਨ੍ਹਾਂ ਰੇਲਵੇ ਕਰਮਚਾਰੀਆਂ ਦੇ ਹੱਕਾਂ ਦੀ ਰੱਖਿਆ ਅਤੇ ਉਤਪਾਦਨ ਇਕਾਈਆਂ ਨੂੰ ਸੁਰੱਖਿਅਤ ਰੱਖਣ ਦੀ ਮਹੱਤਾ ਉਤੇ ਵੀ ਜ਼ੋਰ ਦਿੱਤਾ।